Carlos Childe iniciou o seu proxecto en solitario en 2007 tras formar parte de varios grupos de blues desde o ano 2000. O seu primeiro disco, “ Cooking Melodies”, é unha mestura de R&B e jazz, con cancións propias e versións de clásicos. Sete anos despois editou o seu segundo álbum, “More Nights Than Days”.

Childe foi gañador do Festival Noroeste Pop Rock en 2010 e acompañou a John Mayall na súa xira española de 2011. Tamén participou xunto a artistas como Yoko Ono ou Miguel Ríos no disco «The Beatles Homenaxe 50 Aniversario» cunha versión swing de «Lucy in the sky with diamonds». En 2012 colaborou, xunto a Xavi Font e Philip Glass, na banda sonora da película «O Apóstolo», pola que obtivo o premio á mellor banda sonora na Mostra de Lisboa e nos Mestre Mateo”.